តើអ្នកដឹងទេថា ទ្វាមាសរបស់មនុស្សស្រីមានភាពអស្ចារ្យយ៉ាងណាខ្លះ? ក្រោយពីអានអត្ថបទមយយនេះចប់ អ្នកនឹងដឹងថាទ្វាមាសរបស់មនុស្សស្រីពិតជាអស្ចារ្យលើសពីការស្មានមែន.
វាមានសមត្ថភាពអាចលាងសម្អាតដោយខ្លួនវាបាន
ជាការពិតណាស់ ទ្វាមាសត្រូវរក្សាអនាម័យដោយលាងសម្អាតនឹងទឹកក្តៅឧណ្ឌៗមិនប្រើសាប៊ូ ឬសារធាតុលាងសម្អាតផ្សេងៗទៀត។ ការប្រើសាប៊ូលាងសម្អាតត្រង់តំបន់ឯកជនពិតជាមិនល្អចំពោះសុខភាពផ្លូវភេទឡើយ ព្រោះវាអាចលាងសម្អាតដោយខ្លួនឯងបាន។
អ្នកស្រាវជ្រាវជាច្រើនបាននិយាយថា នៅតំបន់ជុំវិញទ្វាមាសមានការផលិតសារធាតុទឹករអិល រួចលាងសម្អាតដោយខ្លួនវា។ មូលហេតុចម្បងដែលបណ្តាលឲ្យឆ្លងមេរោគក្នុងទ្វាមាសដោយសារកង្វះអនាម័យឲ្យបានត្រឹមត្រូវ។
វិធីលាងសម្អាតទ្វាមាសដែលប្រសើរបំផុតគឺ អ្នកគួរតែប្រើទឹកអនាម័យលាងសម្អាតតែមួយមុខគត់។ ផ្នែកខាងក្នុងរបស់ទ្វាមាស វាអាចលាងសម្អាតដោយខ្លួនវាបានយ៉ាងល្អ។
ទ្វាមាសមានទ្រង់ទ្រាយ និងពណ៌ខុសៗគ្នា
អ្នកប្រហែលជាមិនជឿការពិតទេថា មនុស្សស្រីគ្រប់រូបមានទម្រង់ និងពណ៌ទ្វាមាសខុសៗគ្នា។ ដូចជា ទម្រង់រាងមូលពេញ, កោង, ស្តើង…ឬមានពណ៌ស៊ីជម្ពូរ, ខ្មៅខ្លាំង…។
ដូច្នេះ មនុស្សស្រីគ្រប់រូបមិនចាំបាច់ត្រូវព្រួយបារម្ភពីតំបន់ឯកជនដូចគ្នានឹងអ្នកផ្សេងឬអត់នោះទេ ហើយក៏មិនត្រូវគិតថា ចង់វះកាត់កែតំបន់ឯកជនរបស់អ្នកដែរ។
អាចមានទំហំធំជាងធម្មតា
តាមស្ថិតិជាច្រើនបានបង្ហាញថា ទ្វាមាសមានទំហំពី ៧.៥សម ទៅ ១០សម។ ប៉ុន្តែ នៅពេលអារម្មណ៏ពុះកញ្ជ្រោលឡើង ទ្វាមាសរបស់នាងអាចរីកធំទ្វេដងខុសពីធម្មតា។
ដូច្នេះ យើងអាចនិយាយបានថា មនុស្សស្រីតែងតែមានការឈឺចាប់នៅពេលកំពុងរួមភេទ មិនទាក់ទងនឹងទំហំទ្វាមាសឡើយ តែវាដោយសារជំងឺតានតឹង, ភាពមិនសមល្មមជាមួយនឹងអាអូនតូច…។
ប្តូរពណ៌គ្រប់ពេលវេលា
ទ្វាមាសរបស់មនុស្សស្រីគ្រប់រូបមានពណ៌ផ្សេងៗគ្នា នេះជារឿងមួយធម្មតាទេ។ តែទោះបីជាយ៉ាងណា ប្រសិនបើអ្នកសង្កេតឃើញថា ទ្វាមាសប្តូរពណ៌ច្រើនខុសប្រក្រតី ឬមានរោគសញ្ញាមិនស្រួលដូចជា ឡើងកន្ទួលរមាស់, ធុំក្លិន, អ្នកគួរតែទៅជួបនឹងវេជ្ជបណ្ឌិតដើម្បីពិនិត្យមើល។
អាចមើលដឹងពីភាពចាស់
អាយុកាន់តែច្រើន ទ្វាមាសមនុស្សស្រីក៏កាន់តែប្រឈមមុខនឹងភាពចាស់ដែរ។ បបូរទាំងពីរតូចៗខាងក្រៅទ្វាមាសនឹងឡើងហើម នៅពេលកម្រិត អរម៉ូនអឺសស្ត្រូសែន ថយចុះ បបូរខាងក្រៅនឹងរួញខ្លាំងឡើង ដោយសារកង្វះជាតិកូឡាសែន។
យោងតាមការសិក្សាស្រាវជ្រាវបានឲ្យដឹងថា ពេលមនុស្សស្រីកាន់តែអាយុច្រើនទៅ ទ្វាមាសកាន់តែខ្មៅ ឬស, កន្លែងឆ្តេញនឹងចាប់ផ្តើមរួញ។ បំលាស់ប្តូរទាំងអស់នេះបណ្តាលមកពីអរម៉ូនអឺសស្ត្រូសែនក្នុងរាងកាយថយចុះ។
របបអាហារប្រចាំថ្ងៃអាចធ្វើឲ្យទ្វាមាសធុំក្លិន
ទ្វាមាសអាចមានសមត្ថភាពលាងសម្អាតដោយខ្លួនវាបាន មិនមែនមានន័យថា ទ្វាមាសរបស់អ្នកគ្មានធុំក្លិននោះឡើយ។ ទោះបីជាយ៉ាងណា របបអាហារដែលអ្នកទទួលទានប្រចាំថ្ងៃ អាចធ្វើឲ្យទ្វាមាសធុំក្លិនមិនល្អបាន។
ការទទួលទានអាហារដូចជា៖ ខ្ទឹមសអាចបណ្តាលឲ្យទ្វាមាសធុំក្លិន។
ជាផ្នែកមួយនៃរាងកាយដែលងាយនឹងមានអារម្មណ៏បំផុត
គ្រប់ផ្នែកទាំងអស់នៅលើរាងកាយមានតែទ្វាមាសមួយគត់ដែលងាយនឹងមានអារម្មណ៏ច្រើនជាងគេ។ ព្រោះតាមការសិក្សាបានបង្ហាញថា ទ្វាមាសនេះអាចធ្វើឲ្យមនុស្សស្រីសម្រេចទឹកកាម និងមានអារម្មណ៏ពុះកញ្ជ្រោលឡើងបាននៅពេលរួមភេទ។
អាចមើលដឹងពីបញ្ហាសុខភាពផ្ទៃពោះខុសពីធម្មតា
អ្នកសង្កេតឃើញទា្វមាសមានពណ៌ចម្លែកខុសពីធម្មតា។
ឧទាហរណ៏៖ នៅពេលអ្នកចាប់ផ្តើមមានផ្ទៃពោះ ទ្វាមាសរបស់អ្នកនឹងប្រាប់ដល់អ្នកតាមរយៈសញ្ញាដូចជា៖ កន្ត្រាក់សាច់ដុំក.ស្បូន, ទ្វាមាសមានពណ៌ខុសប្រក្រតី….។
អាចរីកធំសមល្មមនឹងសម្រាលកូន
មនុស្សជាច្រើនមិនជឿថា ទំហំទ្វាមាសអាចបើកទូលាយបាននោះទេ។ ជាការពិតណាស់ ទ្វាមាសអាចពង្រីកធំសមល្មមនឹងអាចសម្រាលកូនបាន។ ក្រោយមកវានឹងត្រលប់ទៅភាពដើមវិញ បន្ទាប់ពីសម្រាលកូនរួច៕
No comments:
Post a Comment