តើផ្លែប័រអាចជួយព្យាបាលជំងឺមហារីកគ្រាប់ឈាមសដែរទេ?
យោងទៅតាមសេចក្តីរាយការណ៍មួយរបស់ The Independent បានឲ្យដឹងថា ផ្លែប័រអាចជាគន្លឹះដ៏សំខាន់ក្នុងការលុបបំបាត់ទម្រងជំងឺមហារីកគ្រាប់ឈាមសដ៏កម្របាន ជាពិសេសប្រភេទ Acute Myeloid Leukemia តែម្តង។
សេចក្តីរាយការណ៍អាចនឹងជំរុញដល់អ្នកអានព្យាយាមញ៉ាំផ្លែប័រឲ្យបានច្រើនដើម្បីប្រឆាំងនឹងជំងឺមហារីកគ្រាប់ឈាមស ប៉ុន្តែមិនមែនអញ្ចឹងទេ។ អ្នកស្រាវជ្រាវបានធញវើការសង្កេតទៅលើអ្វីដែឡមានក្នុងគ្រាប់ផ្លែប័រដែលយើងមិនអាចញ៉ាំបាននោះគឺ Avocatin B ដែលមានប្រសិទ្ធភាពក្នុងការកំចាត់កោសិកាមហារីកគ្រាប់ឈាមសក្នុងមន្ទីរពិសោធន៍។
អ្នកស្រាវជ្រាវបានធ្វើតេស្តលើសារធាតុនេះប្រមាណ ៨០០ ដើម្បីប្រឆាំងនឹងកោសិកាមហារីកគ្រាប់ឈាមសរបស់មនុស្ស។ Avocatin B គឺជាសមាសធាតុមួយដែឡអាចធ្វើឲ្យកោសិកាមហារីកគ្រាប់ឈាមសរបស់មនុស្សស្លាប់បានយ៉ាងមានប្រសិទ្ធភាព ហើយក៏មិនប៉ះពាល់ដល់កោសិកាគ្រាប់ឈាមធម្មតាដែរ។
ការព្យាបាលបច្ចុប្បន្នចំពោះករណីជំងឺមហារីកគ្រាប់ឈាមសមានដូចជា ការប្រើថ្នាំមហារីក ហើយករណីខ្លះអាចបណ្តុះកោសិកាមេ Stem Cell Transplants ដែលវាអាចផ្តល់នូវឱកាសជាសះស្បើយបាន។ អ្នកដែលមានអាយុពី ១៦ ទៅ៣០ឆ្នាំអាចប្រើប្រាស់វិធីព្យាបាល Stem Cell នេះបាន៕
No comments:
Post a Comment