.jpg)
ទឹកឃ្មុំគឺជាអាវុធសម្ងាត់ក្នុងការរក្សាស្បែកអ្នកឲ្យទន់រលោង គ្មានស្នាមជ្រួញ ថែមទាំងអាចការពារស្បែកអ្នកមិនឲ្យកើតមានស្នាមអ៊ុចខ្មៅទៀតផង ប៉ុន្តែតើគួរប្រើទឹកឃ្មុំដូចម្តេចមកការពារស្បែកបាន បើវាមានលក្ខណៈស្អិតបែបនេះ?ខាងក្រោមនេះយើងខ្ញុំនឹងណែននាំប្រាប់អ្នកពីវិធីមួយចំនួនក្នុងការអាចយកទឹកឃ្មុំមកការពារស្បែកអ្នកបាន។
- អ្នកអាចយកផ្លែប៉ោមទៅដាំឲ្យទន់ បន្ទាប់មកយកវាទៅកិនឲ្យម៉ត់ រួចយកវាទៅលាយជាមួយទឹកឃ្មុំ និងទឹកដោះគោជូរ ហើយយកមកបិទលើមុខអ្នក នោះមុខអ្នកនឹងសស្អាតជាមិនខាន។
- អ្នកអាចយកទឹកឃ្មុំ៥០ក្រាម លាយជាមួយពងមាន់យកតែផ្នែកស យកមកកូរឲ្យសព្វ បន្ទាប់មកយកមកលាបលើមុខអ្នកដោយធ្វើការម៉ាស្សា ក្រោយពេល៣០នាទីរួចទើបលាងចេញ នោះអ្នកនឹងឃើញលទ្ធផលដែលអ្នកចង់បាន។
- អ្នកអាចយកទឹកឃ្មុំមួយស្លាបព្រា ម្សៅទឹកដោះគោមួយស្លាបព្រា ពងមាន់មួយគ្រាប់យកតែផ្នែកស ហើយកូរវាឲ្យសព្វ លាបលើមុខអ្នកស្តើងៗចំនួន២០នាទីទើបយកទឹកក្តៅអ៊ុនៗលាងចេញ បើអ្នកអាចព្យាយាមអនុវត្តចំនួនមួយខែ នោះមុខអ្នកនឹងមិនមានអាការៈស្ងួតទៀតទេ។
- អ្នកក៏អាចយកទឹកឃ្មុំលាយជាមួយទឹកបន្ទាប់មកយកមកលាបលើមុខអ្នក នោះវានឹងធ្វើឲ្យមុខអ្នកស ទន់ និងភ្លឺរលោងខ្លាំងណាស់។
- អ្នកអាចយកទឹកខ្មេះមួយ ឬពីរស្លាបព្រាលាយជាមួយទឹកឃ្មុំមួយ ឬពីរស្លាបព្រា ហើយឆុងជាមួយទឹកក្តៅអ៊ុនៗ រួចយកមកផឹក នោះវាអាចធ្វើឲ្យស្បែកអ្នកដែលក្រើម ប្រែជាទន់បាន។
- អ្នកអាចយកទឹកឃ្មុំចំនួន១០០ក្រាម លាយជាមួយពងមាន់មួយគ្រាប់ ហើយលាយជាមួយប្រេងអូលីវបន្តិច បន្ទាប់មកដាក់ទឹកអប់២ទៅ៣តំណក់ លាយចូលគ្នា ហើយដាក់ក្នុងទូរទឹកកក រួចទើបយកមកលាបលើមុខ ដោយមួយខែលាបពីរដង ចំនួន១០នាទី ទើបយកទឹកក្តៅអ៊ុនៗលាងចេញ នោះស្បែកអ្នកនឹងទន់ និងអាចរក្សាបាននៅក្មេងជានិច្ច៕
No comments:
Post a Comment