ក្លិនក្លៀកធ្វើអ្នកមាន អារម្មណ៍ទើសទាល់ណាស់មែនទេ? អស់បារម្ភ, វិធីខាងក្រោមនេះអាចជួយ បញ្ឈប់បញ្ហានេះជារៀងរហូត!

ក្លៀកបែកញើសច្រើន ហើយមានធុំក្លិនជាបញ្ហាធំ សំរាប់មនុស្សទូទៅ។ វាធ្វើអោយអ្នកមានអារម្មណ៍ទើសទាល់ និង ខ្មាស់គេខ្លាំងណាស់។ ដូច្នេះប្រសិនបើអ្នកចង់បញ្ឈប់វា គឺងាយស្រួលទេ។ ជ្រើសរើសវិធីមួយណាក៏បានដូចខាងក្រោមនេះ៖
១. Apple Cider Vinegar (រកទិញនៅផ្សារទំនើប)
លាយ Apple Cider Vinegar ជាមួយទឹកបន្តិច និង ទឹកក្រូចឆ្មារបន្តិច។ ក្រឡុកចូលគ្នារួចចាក់ចូលទៅក្នុងដបស្ព្រាយ។ បាញ់ល្បាយដែលបានលាយនេះទៅលើក្លៀករបស់អ្នក មុនពេលដែលអ្នកពាក់អាវ រាល់ពេលព្រឹក។ អ្នកអាចយកដបស្ព្រាយទៅធ្វើការជាមួយបាន បើសិនជាអ្នកមិនបានត្រលប់មកផ្ទះវិញនៅពេលថ្ងៃ ដើម្បីងូតទឹកជំរះកាយទេ។ ល្បាយនេះមានប្រសិទ្ធភាពក្នុងការកំចាត់បាក់តេរី ដែលធ្វើអោយមានក្លិនមិនល្អ។
២. ក្រូចឆ្មារ
ចិតក្រូចឆ្មារជាចំណិត រួចដុសវាទៅលើក្លៀករបស់អ្នក ទុកចោល ១៥ នាទី សឹមងូតទឹកចេញ។ ធ្វើវាជារៀងរាល់ពេលមុនងូតទឹក វាមិនត្រឹមតែជួយអ្នកបំបាត់ក្លិនប៉ុណ្ណោះទេ តែវាក៏ជួយធ្វើអោយក្លៀករបស់អ្នកសផងដែរ។
៣. Baking soda (រកទិញនៅផ្សារទំនើប)
លាយ baking soda បន្តិច និងទឹកបន្តិច ធ្វើវាខាប់ប៉ិៗ រួចលាបទៅលើក្លៀករបស់អ្នក។ ទុកចោល ១៥ នាទីសឹមងូតទឹកចេញ លាងជំរះ។ ធ្វើវាជារៀងរាល់ពេលមុនងូតទឹក វានឹងបំបាត់ក្លិនក្លៀក និង កាត់បន្ថយការបែកញើសក្លៀកបានទៀតផង។
៤. សាច់ជូរ
លាបសាច់ជូររៀងរាល់ពេលអ្នកងូតទឹករួច។ វានឹងជួយអ្នកបំបាត់ក្លិន ហើយធ្វើអោយក្លៀករបស់អ្នកសទៀតផង៕