ផ្លែត្របែក មានអត្ថប្រយោជន៍យ៉ាងសំខាន់សម្រាប់ស្ត្រីមានផ្ទៃពោះ និងអ្នកបរិភោគ
- ជួយបង្កើនប្រព័ន្ធការពាររាង្គកាយ ព្រោះវាសំបូរទៅដោយវីតាមីន C ។
- ថែរក្សាលំនឹង និងសម្ពាធឈាម ព្រោះស្ត្រីមានផ្ទៃពោះប្រឈមនឹងការឡើងសម្ពាធឈាមខ្ពស់
- ជំនួយប្រព័ន្ធប្រាសាទរបស់ទារកក្នុងផ្ទៃ ជាតិអាស៊ីដហ្វូលិកក្នុងផ្លែត្របែកគឺមានសារៈសំខាន់សម្រាប់ការអភិវឌ្ឍប្រព័ន្ធខួរក្បាលរបស់ទារកនិងប្រព័ន្ធសរសៃប្រសាទ
- ធ្វើឲ្យមានអារម្មណ៍ស្ងប់ល្អ ការញ៉ាំផ្លែត្របែកជារៀងរាល់ថ្ងៃអាចធ្វើឱ្យសរសៃប្រសាទរបស់ស្ត្រីមានផ្ទៃពោះស្ងប់ល្អ និងកាត់បន្ថយការស្ត្រេស។
- ទប់ស្កាត់ការទល់លាមក រក្សាលំនឹងជាតិស្ករក្នុងឈាមបានល្អ ការពារការកើតជំងឺទឹកនោមផ្អែម
- សំបូរវីតាមីន A ដែលទប់ស្កាត់ការងងឹតភ្នែក និងជួយឲ្យទារកមានភ្នែកភ្លឺល្អ
- ទប់ស្កាត់មេរោគមហារីក និងជំនួយការរំលាយអាហារបានល្អ។
1. អ្នកអាចញ៉ាំផ្លែត្របែកមួយថ្ងៃចំនួនមួយផ្លែ វានឹងអាចធ្វើឲ្យអ្នកមិនងាយកើតមានជំងឺផ្តាសាយនោះទេ។ ជាពិសេស វាសម្បូរវីតាមីនE ដែលអាចជួយធ្វើឲ្យស្បែកអ្នកស្អាត និងក្មេងជាងវ័យទៀតផង។
2. វានឹងជួយរក្សាអារម្មណ៍អ្នកឲ្យស្ងប់ ដោយពុំសូវឆេវឆាវនោះទេ។
3. នៅក្នុងផ្លែត្របែកនេះ ក៏សម្បូរសារធាតុជាច្រើន ដែលអាចជួយអ្នកឲ្យមានអារម្មណ៍មូលក្នុងការបំពេញការងារផ្សេងៗផងដែរ។
4. នៅក្នុងនោះមានផ្ទុកវីតាមីនអេ ដែលអាចជួយការពារភ្នែករបស់អ្នកឲ្យមើលឃើញច្បាស់។
5. ក្រោយពេលដែលអ្នកពិសារច្រើនរួច វានឹងធ្វើឲ្យសក់អ្នកស្អាត។
6. វាក៏អាចជួយបញ្ចុះកាឡូរី និងសម្ពាធឈាមរបស់អ្នកផងដែរ។ ដូចនេះ សុខភាពអ្នកនឹងមិនសូវជួបនឹងបញ្ហានោះទេ។
7. ក្រោយពេលដែលអ្នកបរិភោគរួច វានឹងធ្វើឲ្យប្រព័ន្ធរំលាយអាហារអ្នកដំណើរការល្អ។ ដូចនេះ អ្នកនឹងងាយស្រួលបត់ជើង ដោយអាចបញ្ចេញជាតិពុលចេញមកក្រៅអស់បាន៕
No comments:
Post a Comment