យើងខ្ញុំជឿជាក់ថាអ្នកប្រាកដជាដឹងមកហើយពីមូលហេតុដែលអាចធ្វើឲ្យអ្នកមានក្បាលពោះតាមរយៈអត្ថបទម្សិលមិញ ដូចនេះខាងក្រោមនេះយើងខ្ញុំនឹងប្រាប់អ្នកពីវិធីស្រកវិញ បើអ្នកដឹងពីមូលហេតុនិងវិធីស្រក នោះអ្នកមិនចាំបាច់បារម្ហថាអ្នកមានក្បាលពោះដ៏អាក្រក់មើលនេះទៀតទេ។តើមានវិធីណាខ្លះទៅ?
1. នៅពេលដែលអ្នកបរិភោគបាយ ឬចំណីផ្សេងៗ អ្នកត្រូវតែផ្តោតអារម្មណ៍តែទៅលើរឿងមួយបានហើយ មិនត្រូវបរិភោគបណ្តើរ ហើយមើលទូរទស្សន៍បណ្តើរឬធ្វើរឿងផ្សេងនោះទេ ព្រោះវាអាចធ្វើឲ្យអ្នកទំពារមិនម៉ត់ រំលាយអាហារមិនបានល្អ នោះអ្នកនឹងមានក្បាលពោះយ៉ាងងាយ។
2. អ្នកត្រូវតែបរិភោគអាហារដែលមានខ្លាញ់តិច ហើយខ្លាញ់ដែលល្អជាងគេគឺខ្លាញ់ត្រី ព្រោះក្រោយពេលដែលអ្នកបរិភោគវារួចហើយ នោះអ្នកនឹងមិនងាយដុះក្បាលពោះឡើយ។
3. អ្នកមិនត្រូវបរិភោគឆ្អែតពេកទេនៅអាហារ៣ពេលរបស់អ្នក ព្រោះនៅពេលដែលអ្នកបរិភោគដ៏មានអារម្មណ៍ថាឆ្អែត នោះបញ្ជាក់ថាអ្នកបរិភោគច្រើនពេកហើយ វានឹងងាយធ្វើឲ្យអ្នកមានក្បាលពោះខ្លាំងណាស់។
4. នៅក្រោយពេលដែលអ្នកបរិភោគបាយរួច អ្នកមិនត្រូវអង្គុយជាប់នៅមួយកន្លែងទេ អ្នកត្រូវតែក្រោកឈរឡើង ហើយដើរ ឬក៏លាងចាន ព្រោះបើអ្នកមិនកម្រើក ក្រពះនឹងរំលាយអាហារមិនបានល្អឡើយ ដូចនេះវានឹងធ្វើឲ្យអ្នកមានក្បាលពោះបានដោយសារតែខ្លាញ់ក្នុងពោះអ្នកមិនបានរំលាយអស់។
5. អ្នកអាចធ្វើចលនាមួយដោយឈរត្រង់ហើយដកដង្ហើមចូល រួចផតពោះចូល ហើយដកដង្ហើមចេញ ទើបផតពោះចេញ អ្នកអាចធ្វើចលនានេះចំនួន១០ដងបាន។
6. អ្នកត្រូវតែបត់ជើងឲ្យបានទៀងទាត់ ព្រោះបើអ្នកទល់លាមក នោះពោះអ្នកក៏អាចធំបានដែរ។
7. នៅពេលដែលអ្នកដើរ ឬធ្វើអ្វីមួយ អ្នកត្រូវតែធ្វើខ្លួនឲ្យត្រង់ ព្រោះបើខ្លួនអ្នកមិនត្រង់ សាច់ដុំអាចនឹងនៅកន្លែងពោះអ្នកច្រើន ជាហេតុដែលអាចធ្វើឲ្យអ្នកដុះក្បាលពោះបាន។
8. អ្នកត្រូវតែចូលគេងឲ្យលឿននៅពេលយប់ ព្រោះបើអ្នកគេងមិនគ្រប់គ្រាន់ អ្នកនឹងមានសំពាធ នោះសំពាធនោះអាច ធ្វើឲ្យអ្នកដុះក្បាលពោះយ៉ាងងាយ៕
No comments:
Post a Comment