អាថ៌កំបាំងដើម្បីកុំឲ្យរាងកាយធ្លាក់ខ្លួនឈឺ!!!
អាថ៌កំបាំងភាគច្រើនដើម្បីជម្រុញឲ្យមានសុខភាពល្អគឺមិនមែនជារឿងអាថ៌កំបាំងទៀតទេ ប៉ុន្តែវាគ្រាន់តែជាអារម្មណ៍ញឹកញាប់មួយប៉ុណ្ណោះ។ ឧទាហរណ៍ អ្នកគួរតែចៀសវាងការប៉ះពាល់ជាមួយនឹងបាក់តេរី និងវីរុសនៅសាលា និងកន្លែងធ្វើការ។ ប៉ុន្តែវានៅតែមានរឿងជាច្រើនដែលអ្នកអាចធ្វើបានដើម្បីរស់នៅផ្តល់សុខភាពដល់ខ្លួនឯងកាន់តែច្រើន។ តើមានអ្វីខ្លះទៅ?
ញ៉ាំបន្លែពណ៌បៃតង
បន្លែពណ៌បៃតងសម្បូរវីតាមីនដែលអាចជួយថែរក្សាតុល្យភាពអាហារ និងទ្រទ្រង់ដល់ប្រព័ន្ធភាពស៊ាំឲ្យកាន់តែមានសុខភាពល្អ។ ការសិក្សាបានរកឃើញថា កណ្តុរដែលមានសុខភាពល្អហើយស៊ីបន្លែបៃតងច្រើនគឺជម្រុញដល់ភាពខ្លាំងរបស់ប្រព័ន្ធភាពស៊ាំ។
វីតាមីន D
ការកង្វះវីតាមីន D អាចបណ្តាលឲ្យមានរោគសញ្ញាជាច្រើនដូចជា ការលូតលាស់ឆ្អឹងខ្សោយ បញ្ហាបេះដូងសរសៃឈាម និងប្រព័ន្ធភាពស៊ាំចុះខ្សោយ។ មនុស្សយើងអាចទទួលបានវីតាមីន D យ៉ាងងាយតាមរយៈការហាលថ្ងៃ។ អាហារសម្បូរវីតាមីន D មានដូចជា ស៊ុត ផ្សិត ត្រីសាលម៉ុង និងថ្លើមគោជាដើម។
ហាត់ប្រាណ
ការរស់នៅបែបសកម្មតាមរយៈការហាត់ប្រាណទៀងទាត់ដូចជាការដើរបីដងក្នុងមួយសប្តាហ៍នឹងជួយឲ្យរាងកាយមានភាពសមសួន។ ការហាត់ប្រាណទៀងទាត់ក៏អាច៖
•កាត់បន្ថយការរលាក និងជំងឺរ៉ាំរ៉ៃ
•បន្ថយស្ត្រេស
•ជម្រុញដល់របត់ឈាមរត់ដើម្បីប្រឆាំងនឹងជំងឺ ជាពិសេសជំងឺផ្តាសាយតែម្តង។
គេងគ្រប់គ្រាន់
ការគេងគ្រប់គ្រាន់គឺជារឿងសំខាន់បំផុតបើសិនជាអ្នកដឹងថាខ្លួនឯងប៉ះពាល់នឹងវីរុសបង្កជំងឺ។ មនុស្សធំដែលមានសុខភាពល្អហើយគេងបានតិចបំផុត ៨ម៉ោងក្នុងមួយយប់រយៈពេលពីរសប្តាហ៍ឃើញថា អាចស៊ាំនឹងការបង្ករោគដោយវីរុសបានយ៉ាងល្អ។ សម្រាប់អ្នកដែលគេងចាប់ពី ៧ម៉ោងចុះក្នុងមួយយប់បែរជាងាយកើតជាជំងឺក្រោយពីប៉ះពាល់នឹងវីរុសរួច។
តមគ្រឿងស្រវឹង
ការសិក្សាថ្មីបានបង្ហាញថា ការញ៉ាំគ្រឿងស្រវឹងអាចបំផ្លាញកោសិកា Dendritic ដែលវាជាសមាសធាតុដ៏សំខាន់មួយរបស់ប្រព័ន្ធភាពស៊ាំ។ ការញ៉ាំគ្រឿងស្រវឹងកាន់តែច្រើនរយៈពេលយូរអាចបង្កើនការប៉ះពាល់នឹងការបង្ករោគដោយបាក់តេរី និងវីរុសដែរ។ គ្រឿងស្រវឹងក៏បានបញ្ឈប់ដល់ប្រព័ន្ធភាពស៊ាំលើសត្វកណ្តុរច្រើនយ៉ាងដែរ។
រំងាប់អារម្មណ៍
រយៈពេលច្រើនឆ្នាំមកហើយ គ្រូពេទ្យបានសង្ស័យថា វាមានទំនាក់ទំនងមួយរវាងការស្ត្រេសរ៉ាំរ៉ៃ និងជំងឺរាងកាយ។ ការដែលរកឃើញវិធីសម្រួលដល់ភាពស្ត្រេសនេះអាចនឹងធ្វើឲ្យសុខភាពកាន់តែល្អ។ យកល្អគួរតែជ្រើសរើសការហាត់យូហ្គា ឬតាំងសមាធិដើម្បីបំបាត់ស្ត្រេស។
ញ៉ាំតែបៃតង
អស់រយៈពេលច្រើនឆ្នាំមកហើយ តែបៃតងត្រូវបានគេចាត់ទុកថាជាប់ទាក់ទងនឹងការធ្វើឲ្យមានសុខភាពល្អ។ អត្ថប្រយោជន៍ចំពោះសុខភាពរបស់តែបៃតងប្រហែលជាវាមានអង់ទីអុកស៊ីដង់ Flavonoids កម្រិតខ្ពស់។ ការញ៉ាំតែបៃតងថ្មីៗច្រើនដងក្នុងមួយថ្ងៃអាចជួយឲ្យមានប្រយោជន៍ខ្លាំងដល់សុខភាពដូចជា បញ្ចុះសម្ពាធឈាម និងបន្ថយការប្រឈមនឹងជំងឺបេះដូងសរសៃឈាម។
អនុវត្តអនាម័យល្អ
ការកាត់បន្ថយការប៉ះពាល់នឹងជំងឺតាមរយៈចៀសវាងការប៉ះពាល់មេរោគគឺជារឿងជួយឲ្យមានសុខភាពល្អ។ ខាងក្រោមនេះគឺជាមធ្យោបាយមួយចំនួនដើម្បីទទួលបានអនាម័យកាន់តែល្អចំពោះរាងកាយ៖
•ងូតទឹករាល់ថ្ងៃ
•លាងសម្អាតដៃមុនពេលញ៉ាំអាហារឬរៀបចំអាហារ
•លាងសម្អាតដៃមុនពេលធ្វើសកម្មភាពផ្សេងៗដែលតម្រូវឲ្យប៉ះភ្នែក ឬមាត់
•លាងសម្អាតឲ្យបាន ២០វិនាទី និងសម្អាតនៅខាងក្រោមក្រចកដៃផង
•គ្របមាត់ដោយប្រើកន្សែងឬក្រដាស់នៅពេលក្អក ឬកណ្តាស
•គួរតែយកទឹកលាងដៃដាក់តាមខ្លួនផង
គួរតែមានអ្វីៗជារបស់ផ្ទាល់ខ្លួន
វីរុសបង្កជំងឺផ្តាសាយជាទូទៅអាចរស់នៅលើរាងកាយរយៈពេល ២៤ម៉ោង។ ដូច្នេះវានឹងផ្តល់ពេលវេលាច្រើនក្នុងការចម្លងទៅកាន់សមាជិកគ្រួសារបាន។ ដើម្បីចៀសវាងការឆ្លងជំងឺ យកល្អគួរតែប្រើប្រាស់របស់ខាងក្រោមនេះជាលក្ខណៈផ្ទាល់ខ្លួនដូចជា៖
•ច្រាស់ដុសធ្មេញ
•កន្សែងពោះគោ
•ចាន ស្លាបព្រា
•កែវទឹក៕
No comments:
Post a Comment